କନକ ବ୍ୟୁରୋ : ପରିବାର ହେଉଛି ଜୀବନର ସେହି ଦୃଢ଼ ଆଧାର, ଯାହା ମଣିଷର ମୂଲ୍ୟବୋଧକୁ ରୂପ ଦିଏ ଏବଂ ତାକୁ ଆତ୍ମବିଶ୍ୱାସର ସହ ଆଗକୁ ବଢ଼ିବାରେ ସକ୍ଷମ କରେ । ଏହି ଚିନ୍ତାଧାରାକୁ ଆଧାର କରି ‘ଅନ୍ତର୍ଜାତୀୟ ପରିବାର ଦିବସ’ ଅବସରରେ ବେଦାନ୍ତ ଆଲୁମିନିୟମ ନିଜର କର୍ମଚାରୀ, ସେମାନଙ୍କ ପରିବାର ଏବଂ ସ୍ଥାନୀୟ ସମ୍ପ୍ରଦାୟର କଲ୍ୟାଣ ପାଇଁ ଅନେକ ଦୂରଦୃଷ୍ଟିସମ୍ପନ୍ନ ପଦକ୍ଷେପ ଘୋଷଣା କରିଛି । ଚଳିତ ବର୍ଷ ମିଳିତ ଜାତିସଂଘର ବିଷୟବସ୍ତୁ ‘ପରିବାର, ଅସମାନତା ଏବଂ ଶିଶୁ କଲ୍ୟାଣ’ ସହ ତାଳ ମିଳାଇ କମ୍ପାନୀ ଏକ ସଶକ୍ତ ଓ ଅନ୍ତର୍ଭୂକ୍ତି ବ୍ୟବସ୍ଥା ନିର୍ମାଣ କରିବାକୁ ସଂକଳ୍ପବଦ୍ଧ ହୋଇଛି ।

ବେଦାନ୍ତ ଆଲୁମିନିୟମ ନିଜର କର୍ମଚାରୀ ଓ ସେମାନଙ୍କ ଉପରେ ନିର୍ଭରଶୀଳ ପରିବାର ସଦସ୍ୟଙ୍କ ପାଇଁ ମାଗଣା ସ୍ୱାସ୍ଥ୍ୟସେବା ଏବଂ ସୁସ୍ଥତା ନୀତି ଲାଗୁ କରିଛି। ‘ମନ୍ତ୍ରକେୟାର’ (MantraCare) ପ୍ଲାଟଫର୍ମ ମାଧ୍ୟମରେ କର୍ମଚାରୀମାନଙ୍କୁ ଅନଲାଇନ୍ ଚିକିତ୍ସା ପରାମର୍ଶ, ମାନସିକ ସୁସ୍ଥତା ସହାୟତା, ଯୋଗ ଏବଂ ଜୀବନଶୈଳୀ ପରିଚାଳନା ଭଳି ସୁବିଧା ଯୋଗାଇ ଦିଆଯାଉଛି ।

ଝାରସୁଗୁଡ଼ାସ୍ଥିତ ମେଗା ଆଲୁମିନିୟମ ପ୍ଲାଣ୍ଟ ନିକଟରେ ନିର୍ମିତ ସମନ୍ୱିତ ଟାଉନସିପ୍ କର୍ମଚାରୀଙ୍କ ପାଇଁ କାର୍ଯ୍ୟ ଏବଂ ପାରିବାରିକ ସନ୍ତୁଳନ ରକ୍ଷା କରିବାରେ ଏକ ବଡ଼ ମାଧ୍ୟମ ସାଜିଛି। ଏଠାରେ ସ୍ୱାସ୍ଥ୍ୟସେବା, ଶିକ୍ଷା, ଜିମ୍, ସୁଇମିଂ ପୁଲ୍ ଏବଂ ଡେ-କେୟାର୍ ସେଣ୍ଟର ଭଳି ଅତ୍ୟାଧୁନିକ ସୁବିଧା ରହିଛି। ବିଭିନ୍ନ ପର୍ବପର୍ବାଣୀ ପାଳନ ମାଧ୍ୟମରେ ଏଠାରେ ଏକ ସୁଦୃଢ଼ ଗୋଷ୍ଠୀଗତ ଭାବନା ସୃଷ୍ଟି କରାଯାଉଛି ।

ବେଦାନ୍ତ ଆଲୁମିନିୟମର ସିଇଓ ସି. ଚନ୍ଦ୍ରୁ ଏହି ଅବସରରେ କହିଛନ୍ତି, “ଆମେ ବିଶ୍ୱାସ କରୁ ଯେ ଶକ୍ତିଶାଳୀ ସଂଗଠନଗୁଡିକ ଶକ୍ତିଶାଳୀ ପରିବାର ଏବଂ ଗୋଷ୍ଠୀଗତ ଭାବନା ଉପରେ ନିର୍ମିତ। ସ୍ୱାସ୍ଥ୍ୟ ସହାୟତା, ଶିକ୍ଷଣ ସୁଯୋଗ ଏବଂ ଗୋଷ୍ଠୀ ପଦକ୍ଷେପ ମାଧ୍ୟମରେ ଆମେ ଏପରି ଏକ ପରିବେଶ ସୃଷ୍ଟି କରୁଛୁ ଯେଉଁଠାରେ ପରିବାର ସୁରକ୍ଷିତ ଏବଂ ମୂଲ୍ୟବାନ ଅନୁଭବ କରନ୍ତି ।”

ନିଜର ସାମାଜିକ ଦାୟିତ୍ୱବୋଧ (CSR) ଅଧୀନରେ ବେଦାନ୍ତ ପକ୍ଷରୁ ଝାରସୁଗୁଡ଼ାରେ ୧୭୫ରୁ ଅଧିକ ‘ନନ୍ଦ ଘର’ କାର୍ଯ୍ୟ କରୁଛି। ଏହି କେନ୍ଦ୍ରଗୁଡ଼ିକ ମାତୃ ସ୍ୱାସ୍ଥ୍ୟସେବା, ଶିଶୁ ପୋଷଣ ଏବଂ ପ୍ରାରମ୍ଭିକ ଶିକ୍ଷା କ୍ଷେତ୍ରରେ ବିପ୍ଳବ ଆଣିଛନ୍ତି। ଏଥିସହିତ ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ଗାଡ଼ି ୨୮ଟି ଗ୍ରାମର ୧୮,୦୦୦ରୁ ଅଧିକ ହିତାଧିକାରୀଙ୍କୁ ସେବା ପ୍ରଦାନ କରୁଛି। କମ୍ପାନୀର ସଚେତନତା ଅଭିଯାନ ପ୍ରାୟ ୨.୮ ଲକ୍ଷ ଲୋକଙ୍କ ନିକଟରେ ପହଞ୍ଚି ପାରିଛି ।

ପଲ୍ସ ପୋଲିଓ ଅଭିଯାନ ମାଧ୍ୟମରେ ୨୦୨୬ ଆର୍ଥିକ ବର୍ଷ ସୁଦ୍ଧା ୧,୪୮୬ ଜଣ ଶିଶୁଙ୍କୁ ଟୀକାକରଣ କରାଯାଇଛି। ପରିବାର-କେନ୍ଦ୍ରିତ ଏହି ଆଭିମୁଖ୍ୟ ପାଇଁ ବେଦାନ୍ତ ଆଲୁମିନିୟମକୁ ‘ଗ୍ରେଟ୍ ପ୍ଲେସ୍ ଟୁ ୱାର୍କ’ (Great Place to Work) ସାର୍ଟିଫିକେଟ୍ ଏବଂ ‘ପିପୁଲଫାଷ୍ଟ ଏଚଆର ଏକ୍ସଲେନ୍ସ ଆୱାର୍ଡ’ ଭଳି ସମ୍ମାନଜନକ ପୁରସ୍କାରରେ ସମ୍ମାନିତ କରାଯାଇଛି ।