କନକ ବ୍ୟୁରୋ:ସାବିତ୍ରୀ ବ୍ରତରେ କାକଟପୁର ଥାନା ଶଙ୍କରେଶ୍ୱରରେ ଚଞ୍ଚଲ୍ୟ। ମାଇଁଙ୍କ ଭଉଣୀକୁ ହତ୍ୟା କଲା ଭଣଜା। ସୂଚନା ଅନୁସାରେ, ଦୀର୍ଘ ଦିନ ଧରି ମାମୁଁ ଘରେ ରହି କାମ କରୁଥିଲା ଭଣଜା ସ୍ମୃତି ରଞ୍ଜନ ସ୍ୱାଇଁ ଓରଫ ରାହୁଲ । ଗତ କାଲି ବିଳମ୍ବିତ ରାତି ପ୍ରାୟ ସାଢେ ଗୋଟିଏ ସମୟରେ ଏକ  ଧାରୁଆ ଛୁରୀରେ ମାଇଁଙ୍କ ଭଉଣୀ ମିଲିପ୍ରିୟା ବେହେରାଙ୍କୁ ତଣ୍ଟି କାଟି ହତ୍ୟା କରିବା ସହ ତାଙ୍କ ଦେହ ସାରା ଛୁରୀରେ ଆଘାତ କରିଥିଲେ ଭଣଜା।  ଅଭିଯୁକ୍ତଙ୍କ ଘର ଅସ୍ତରଙ୍ଗ ବେଗୁଆନିଆବସ୍ତ ଜଣାପଡିଛି। କାମ କରି ନପାରିବାରୁ ମାମୁଁ ତାଙ୍କୁ ଘରୁ ବାହାର କରି ଦେଇଥିଲେ। ଏଥିରେ ଉତ୍‌କ୍ଷିପ୍ତ ହୋଇ ଭଣଜା ହତ୍ୟା କରିଥିବା କୁହାଯାଉଛି। ଘଟଣାସ୍ଥଳରେ ପୋଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି। ହତ୍ୟାକାଣ୍ଡ ଘଟିଥିବା ସ୍ଥାନରୁ ମାତ୍ର ୨୦ ମିଟର ଦୂରରେ ନିଜେ ଅଭିଯୁକ୍ତ ନିଶାସକ୍ତ ଅବସ୍ଥାରେ ପଡି ରହିଥିବା ଦେଖିବାକୁ ମିଳିଥିଲା , ପୋଲିସ ପହଞ୍ଚି ଉକ୍ତ ଯୁବକଙ୍କୁ ଉଦ୍ଧାର କରି ବାଙ୍ଗୁରୀଗାଁ ମେଡିକାଲକୁ ସ୍ଥାନାନ୍ତର କରିଛି।  ମୃତକ ଯୁବତୀର ମାଆ କାକଟପୁର ଥାନାରେ ଅଭିଯୋଗ କରିଛି ।

ଆହୁରି ପଢ଼ନ୍ତୁ:ରାଜ୍ୟରେ ଖୁବ୍‌ଶୀଘ୍ର ଆସିବ ନୂଆ ଚଳଚ୍ଚିତ୍ର ନୀତି ,ବିଶିଷ୍ଟ କଳାକାର ଓ ବ୍ୟକ୍ତିତ୍ୱମାନଙ୍କ ସହିତ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଆଲୋଚନା